الشيخ وابنه

اكو شيخ عام بالسلف
تقدم بي العمر واخذه الشيب راد يختبر ابنه الوحيد ويتأكد
يصلح للشيخه من بعده لولا دز على وحيده وكعده كباله
كاله ابني كضيته وي عمامك بالطيبات وطول العمر مخلي
الحض ولبخت كدامي واليوم اريد اختبرك ياوليدي اخاف
تضيع البخت وجيبلي المسبه كاله يبوي اسئل واني اجاوب
كاله إذا اني متت وجوك اثنين متخاصمين واحد خير والآخر
باطل شلون تحلها بيناتهم... كاله يبوي سهله اخذ من مآلات
الخير وحط على مآلات الدوني ويرحون اثنينهم راضين
لأن الخير ينطي من مالاته كاله ابوه عفيه عليك وليدي
كاله ابوه زين اذا اجوك اثنينهم باطلين شلون راح تحلها
كاله سهله.... أخذ من مالاتي واحط على مالاتهم وخليهم
اثنينهم يرحون.. راضين كاله عفيه عليك يا وليدي
كاله زين وإذا اجوك اثنين خيرين متخاصمين شلون راح تحلها كاله يبوي الخيرين يحلونها بيناتهم وماحاجه يجوني
كام ابو الولد ونزع اعكاله ولبسه الابنه وكله يبوي هسه ياله ارتاحيت......
موياهو لبس عكال وكال اني شيخ.. مع احترامي للشيوخ الأفاضل وناس الاجاويد