انت والموت اتفقتوا يموت واحد

انت والموت اتفقتوا
يموت واحد
واحد يضل معترض

اليوم أمس ذبحوك ،
جا يمتى تموت ؟

شما يجيس القصر نحرك يلكه نحرك بي نبض

حتى ظلك ما سلم من السيوف
الف طعنة
ومحد يلوح الرفض

طيفك ابيض
يصرخ بنوم الضمير

يشيل من راسه الوسادة
وينثر بريش الحمام

اسمك السر ،
اليرفعه
ايطَّيَح لثام النظام

اسمك من ايمر شبابيج القصور

الحكومة تخاف ما تكدر تنام

شما سحكنا الظلم بسمك نتفض

ومن ضمير الحر

لعصابة حبيب

لراية العباس طفك ما يفض

لسه نحرك
يفرض اعله السيف رايه

وصوتك العالي
ورمحهم منخفض

ولسه اشوفك واكف بذاك المكان

ثابت انت، وحولك تدور الأرض









عقيل العرد