هلا باللي سكن خافق حبيبه

هلا باللي سكن خافق حبيبه
رسم بسمه تسوق اجمل معاني


هلا باللي مشاعرنا تجيبه
من الكلمة من اللمسه تباني


حبيبي يادوى قلبي طبيبه
هلابك والورد لجلك يداني


انا الفرحه غدت مني قريبه
عيوني ماتشوف الهم ثاني


قدومك عالج اياماً كئيبه
بها الضحكه من العبره تعاني


يزيد الشوق بغيابك لهيبه
على غيبتك مسّتحمل ثواني


ومن حاول يفرقنا غصيبه
عسى الله يبعده شخصاً اناني


قليبك وسط قلبي يعتني به
ولا غيرك عرف جرحاً بلاني