ياوضعي الصعب لغزي كيف ترتــيبه

سألت عيني علام الدمع ياعيني

. . . . . . قالت من اللّي عجزت أفهم مراقيبه



قلت أبعديني عن رموزٍ تعنيني

. . . . . . عطيني الهرج وآضح دون تصعيبه



قالت طفل لكن دروبه تبكّيني

. . . . . . أخاف لو تعرفه تقبل عــــــــذاريبه



قلت أوصفي لي جنابه وأنتخي فيني

. . . . . .لاعاش من دمعتك تخاف تعـــــــذيبه



أم العمر ماهقيت أنه بيعنيني

. . . . . . ابي أسحبه غصب لو تزعل معـازيبه



قالت سبب ماتشوفه قلبك الشيني

. . . . . . ياشين طبعه معي ياشين تــــــــدريبه



قلت آه وشلون في قلبي خدعتيني

. . . . . . أمره ينفّذ ولو كثرت مطالــــــــــيبه



هلّي من الدمع هلّي لاتكفّيني

. . . . . . تنفيذ أمره ظروري من مواجــــــيبه



الآن خلّي لهيب الدمع يكويني

. . . . . . خليّه يظهر على الخدين تســــــــريبه



مالي على القلب حيله لاتحدّيني

. . . . . . ياعين انتي ونا صرنا منــــــــــــاديبه



عندي من الوضع روس اقلام تشقيني

. . . . . . والباقي أغلق عليها في دوالـــــــــيبه



قصة غلا في ظلام الليل ترميني

. . . . . . وأوجست هذا الغلا زادت لواهــــــــيبه



وان قلت عقلي يفسرلي عناويني

. . . . . . يقول آسف مواضيعك بهـــــــــــا ريبه


الوضع مبهم ولاعندك براهيني

. . . . . . لاشيء واضـــح ولا تعـــرف اســاليبه




قلت النصيحه قبل تقبس براكيني

. . . . . . قال إنصح القلب ينسى الوضع ويسيبه



قلت أنت صاحي ياعقلي يوم توصيني

. . . . . . وشلون ينسى وهو يومي يهـــــــذريبه



قال أنت وضعك فقط يسمح بحلّيني

. . . . . . ام أنت تنساه أو تصبر لترهـــــــــيبه



قلت الله اقوى على مراً. بالأثنيني
. . . . . . ياوضعي الصعب لغزي كيف ترتــيبه

طـــرح رآآآئــــــع ..||
دام التألق ...ودام عطاء نبضك
كل الشكر لهذا الإبداع,والتميز
لك مني كل التقدير ...!!
وبآنتظار روائع جديدك بكل شوق...!
ودي وعبق وردي ..~

طرح مميز
يعطيك آلعافيـه يارب
‎بانتظار المزيد من هذا الفيض
‎لقلبك السعاده والفـرح
‎ودي.

عاشت الايادي التي طرزت تلك الكلمات
وعطرت أحرفها بالورد والريحان
سلمت يداكم راقت لي مكنونات
قلمكم مساؤنا بكم أجمل
دائماً انتم على قمة الحرف تتربعون
دمتم بخيروسعاده لا تغادر ارواحكم

ذائقة مترفة الابداع
بوركت اناملك للجلب

عاشت الايادي