_يحيى الجمل

الدكتور يحيى عبد العزيز عبد الفتاح الجمل (15 اغسط930 - 21 نوفمبر2016) ، قانونى و فقيه دستورى و سياسى مصرى كبير و نايب رئيس وزرا مصر من 20 فبراير 2011 و هو منصب جديد اتعمل فى مصر بعد ثورة25 يناير ، رئيس حزب الجبهه الديمقراطيه اللى اسسه مع اسامه الغزالى حرب و جماعه من السياسيين والمفكرين المتنورين . اتكرم بجايزة الدوله التقديريه فى العلوم الاجتماعية سنة 1998.
يحيى الجمل طالب بعمل لجنه لتعديل الدستور المصرى و اعتبر التعديلات الدستوريه فى الماده 76 جريمه دستوريه و طالب بتغيير النظام الانتخابى.
بعد ثورة 25 يناير انضم للجنة الحكما اللى اتشكلت بعد الثوره. مطالبته بدوله مدنيه سيكولاريه فى مصر و اعتباره الحركات الاسلاميه خطر على مستقبل مصر استعدى عليه المنتمين للجماعات الاسلاميه زى الاخوان المسلمين و السلفيين اللى عايزين يحولو مصر لدوله دينيه . فى 19 مارس 2011 اتعملت مظاهره ضده فى القاهره و اتهم بالكفر ، وفى يوم 22 مارس 2011 اتقدم عضو فى مجلس النقابه العامه للمحامين ببلاغ للنايب العام ضد الدكتور يحيى الجمل اتهمه فيه بتهمة إهانة الذات الإلهيه