- احنة الولد هم نحب؟

- احنة الولد هم نحب؟

= اي ليش منحب لعد؟

- يعني ما ادري اشوف الولد عامةً يكمزون

= اكو ميعتبر حب واكو يحب وتلكاه عادي جامع واكو يحب ويكتفي حسب

- انت هم حبيت؟

= اي

- اي وبعدين

= بعدين ما ادري

- هو شنو متدري شبيك


= يعني ما اعرف النهاية جانت مجهولة، لاسباب ما فاهمها بوقت مفاهمة لشخص صرت ما اعرفة وممكن الغلط مني انو اني مدا افهم


- وممكن طكتلك سفن عادي


= لا ما اعتقد، هي مو هيج او الي اعرفة انو هي مو هيج
- الانسان كلما يكبر يكوم يدور ع المواصفات الي احسن اله او الي تناسبة ويبدي يركن الحب ع صفحة


= مو كل الناس هيج، وهذا ميمنع انو اني ما اناسبها

- مو شرط انت تناسب او لا اكو ناس دائما تباوع للاعلى


= لا، هي جانت ما شايفة غيري


- جانت ..


= انت هسة دتكرهني بيها لو شنو


- لا بس مرات الواحد ميحب يشوف الحقيقة


= هي هاي الصعبة، انك تعيش الغواش بالنهاية تكوم تضرب اخماس باسداس ومتعرف هو شصار


- زين وبعدين ؟ يعني اقصد شصفت


= راحت، تعرف شي .. جنت اشوفها مرات بنتي ومرات صديقتي ومرات حتى امي يمكن مراح تفهمني بس اصعب شي انك تفقد حضن يلمك لمن تكون متبعثر ..



- ما ادري ليش من يلكن واحد يحبهن ميصونن عكس الي تلكي يتملعب سبحان الله ما ادري ليش هيج الموضوع متضارب هههههه


= لا ما الها علاقة، الحب هم بي حظ وكلمن وحظة


- يعني انت المو زين لو حظك؟


= لا، سوء حظي هو الي خلاني هيج واضح ما عرفت فديوم اكون مغوش، الناس بصورة عامة تحب المغوش حتى لو تكول عكس هل شي


- اسف هيجتلك المواجع


= لا ماكو شي هادئ حتى تهيج ف عادي ليهمك


- مشتاقلها؟

= وره اول دقيقة فراق، اشتاقيتلها.. ومن يومها وهل نار ما راضية تطفى . .


- هي حبتك برأيك؟


= مرات اكول كلش حبتني ومرات اكول لا ومرات اكول ما ادري، اصعب شي انك تدخل بعلاقة مليانة كلمة ما ادري


- ما ادري سالفتك تحير


= شوف انت هم ما تدري هههههه عوف الحب هم الولد هم يحبون ع كولتك؟..

بارك الله فيك ع موضوعك القيم والمميز
وبانتظار جديدك القادم
ارق التحايا لك

موضوع راقي
كل الشكر للانتقاء المميز
تقديري

انتقاء بآذخ الجمآل ,
بِ إنتظآر المزيد من هذآ الفيض ,
لك من الشكر وافره,~

تَحية تلطفهآ قلوب طيبة ونقٌية
آ‘لتميزٍ لآ يقفٌ عندْ أولْ خطوٍة إبدآعٌ
بلْ يتعدآه في إستمرآرٍ آلعَطآءْ

سلمت اناملك على
ماجادت به من روعة بالطرح
دام لنا ابداعك بأرقى حالاته
بأنتظار عطائك القادم