بيتزا الطاسة
بيتزا الطاسة
المقادير:
كوب وربع دقيق
كوب زبادي
معلقة زيت صغيرة
نصف معلقة بيكنج بودر
رشة ملح
فلفل الوان
بسطرمة او تونة او سوسيس او قطع فراخ
جبنة موزاريلا
صلصة بيتزا
الطريقة:
نجيب الدقيق ونحط عليه رشة ملح ومعلقة البيكنج بودر الصغيرة ونقلبهم ونجيب الزبادي نحط عليه معلقة الزيت ونحطهم علي الدقيق ونعجنهم كويس لحد ما يختلطوا والعجينة تلم ونسيبها ترتاح عشر دقايق نقسم العجينة ونفردها ونخليها رفيعة مش تخينة ونجيب طاسة نسخنها كويس اوي ونحط معلقة زيت نوزعها بفرشة في الطاسة ونحط العجينة اللي فردناها ونهدي النار نخليها وسط اول ما نلاقيها خدت لون من تحت نقلبها ونحط الصلصة وكل الإضافات اللي نحبها ونحط الجبنة الموزاريلا ونغطيها الجبنة تسيح ونقفل عليها وبالهنا والشفا.
الاضافات اللي بنحطها علي البيتزا اللي هي السوسيس او الفراخ لازم تكون مستوية
|
08-03-2023
عضويتي 
العرض الشجري
