حاكموه بقلمي الشاعر محمد البهلوان

هذا العمل كتبته في عام 2011 في اطار ثورة يناير 2011 المصرية ودرات الايام ومرت الايام وحسيت قد ايه كنت جاني علي الرئيس السابق حسني مبارك الله يرحمه وكما قال سيذكر التاريخ ما لنا وما علينا

حاكموه خزوقوه

ان شاء الله حتي تعبطوه

فاكرنا ايه ملك ليه

وحياة عينيه ميراث ابوه

والغريبة والعجيبة

عايزها خضره وبيضا حمرا

ياخدها لابنه طالع لابوه

حاكموه خزوقوه

ان شاء الله حتى تعبطوه

اصله بانى في مصر علا

اه ما خلي

حتي لقمة عيش لشاب

شاف مذلة

وهما ياكلوه في الجاتوه

اصله باني مصر في كباري

ومترو تحت الارض ساري

وهو من قوتنا ده سارق

ملعون هو واللي جابوه

حاكموه خزوقوه

ان شاء الله حتي تعبطوه

فرعون مصر اللي عاش

تلاتين سنة ومكفاش

مش لايقين العيش الحاف

وفي طره ياله روحوا خفاف

كل اخ جنب اخوه

حاكموه خزوقوه

ان شاء الله حتي تعبطوه

ويالا بينا على الميدان

انت وانا مفيش جبان


من الليلة دي خلاص فوقان

من الليلة دي هنمسكوه

ونحاسبوه

قول ليه يا بني اللذينا

عملت فينا

وبهدلت فينا

هو انت يعني كنت رئيسنا

ولا كنت وباء علينا

لما قومنا بثورة قولت

مستعد ابدا كفاح

انسي يلا اسجنوه

وخزوقوه
ان شاء الله حتي تعبطوه

بقلم الشاعر محمد البهلوان
يحضر نقل

او نسخ بدون الاشارة للمصدر واسم الشاعر