انقـوم ونطـيح ونـداوي مواجعنا
والكايده بالعزم يا خوي نكسبها
اشبوحــنا فــوق وبعــادٍ مرامعنا
نقـول ونطـول لو زادت مصاعبها
لهروج الأنذال ما نــرخي مسامعنا
وإن طالت السالفه نحكم مقاضبها
اشدادنا صلف لا شحت مرابعنا
وظهور الأيام ناطا في مضاربها
حنا على العز درب العز جامعنا
وما ناشنا من سموم نتل غاربها
واللي تهقوا يبي يوهن مطامعنا
ارقابنا فــوق ما نرفض مطالبها
من بين عــوج الحنايا كن لايعنا
سمـوم قيــضٍ تعيـفنــا مشاربها
ولا ترى الخير دايم في مراتعنـا
وقلوبـنا بالوصل دايم نخضبها
ياقسوة الدهر مانرخص مدامعنا
وما شالت اصدورنا ما بان غايبها
واكبودنا لو هجير الوقت لاذعها
ما قــد تدانـت ولا هــانت مراقبها
10-14-2023
عضويتي 
يا قسوة الدهر ما نرخص مدامعنا
العرض الشجري
