20 شغله نتذكرها بخصوص المغص الولادي او الغازات باول اشهر

20 شغله نتذكرها بخصوص المغص الولادي او الغازات باول اشهر بعد الولاده 1. هذا لن يدوم الى الابد مهما كانت هذه الفتره تبدو صعبه الا انها لن تدوم لفتره طويله فهي بالعاده تستمر من ٦ الى ٨ اسابيع الفتره اللي تسمى ب purple اللي هي الفتره البنفسجيه و اللي يصير بيها الطفل بنفسجي من البجي و بعدها تقل شويه شويه و تروح بعمر ٣ اشهر في اغلب الاحيان احيانا تستمر اكثر من ذلك و لكنها بصوره عامه تقل بعد ال ٨ اسابيع 2. من كل الاف الاطفال اللي اشوفهم بفتره المغص الكثير منهم يهدا لقطرات المغص و للتنظيف و للكماط و للملهيه و لغير اشياء الا انه لا انسى عدد محدود من الاطفال اللي كلشي ما فادهم و مالهم غير ( اركب سيارتك و افتر بيه ) اي نعم قسم منهم لا يهدا لاي شي و هذا طبعه فعلا و فعلا يكون من يكبر هذا طبعه 3. لا تخلين بالك يم نوعيه الحليب الصناعي لا تغيرين هوايه المغص ممكن يصير حتى لو رضاعه طبيعيه فلا تستعجلين بتغيير الحليب لنوعيه اخرى احيانا نادره التغيير يجيب نتيجه 4. المغص شائع جدا هذا لا يعني ابدا انه طفلك راح يكون صعب و لا ينطي اي دلاله انه الطفل عصبي اللي ما اعرف شون يقررون انه طفل عمره شهرين عصبي و بعدين فعلا راح يكون عصبي اذا ظليتي تكولين انه هو عصبي 5. تذكري دائما الرضاعه الطبيعيه راح تصير اسهل و بتقادم الايام لا تستعجلين باضافه المميه يوم بعد يوم راح تكون اسهل و هذا طفلك اللي لازك بيك يوم بعد يوم راح يقل ارتباطه بيك فقط استمري 6. لا تكعدين الطفل من النوم حتى ترضعيه بعد عمر الاسبوعين لان راح يشرب حليب اكثر و بالتالي حليب اكثر غازات اكثر 7. كتبت عن الروتين و روتين النوم كثيرا و لكن منو كالك راح يرهم ويه طفلك اي روتين ؟ انت حاولي و استمري و لكن ممكن ما يرهم اي روتين فنظمي حياتك على اساس حياتك انت و طفلك 8. ابدا لا تخافي من استشاره طبيب الاطفال ممكن يكون سبب اخر للمغص ممكن جدا عنده افكار جديده للمغص ممكن ينورك بنوعيه اخرى للحليب ولو كلتلك مو كلش يفيد التغيير بس ممكن يفيد نجرب ليش لا 9. جربي حمل الطفل بحماله الطفل كلش مفيده ما اكولك اشتريها بس استعيري وحده اذا شفتيها عمليه اشتري وحده 10. نظمي ضوء الغرفه و جو الغرفه لا للمبالغه بالاغطيه لا للجو الحار او البارد لا للاضاءه البيضاء ليلا 11. بلا افكار سيئه و افكار غيره و فلانه ليش طفلها ما عنده مغص و ابني عنده كل طفل و شخصيته و المغص يصير عند قسم من الاطفال مو كلهم 12. حاولي البقاء على قيد الحياه اعرف انه هذه الفتره ممكن تكون صعبه بس ارتاحي عوفي الشغل نامي اخذي حمام اخذي اغفاءه 13. اخذي نفس عميييق و ارتاحي مو كلما يبجي تتوترين هو هذا العادي 14. امدحي نفسك انت تستطيعين انت مو ام سيئه لان طفلك يبجي طفلك يبجي لان عنده مغص الموضوع مو بسببك 15. اذا كنتي على وشك الانفجار استعيني بطبيب نفسيه مو عيب ابدا مجرد الكلام بموضوع الاكتئاب راح يريحك 16. اهتمي باكلك و بالاخص اذا كنت ترضعين طبيعي فالعديد من الاكلات اللي تاكليها تسبب المغص للطفل مثل الحليب و مشتقاته و البرتقال و البقوليات 17. بعد توفر قطرات كوليف ماكو اي داعي لتغيير الحليب فاي حليب ممكن تحويله لحليب مغص باستخدام قطرات كوليف 18. البروبايوتك و بعد سنين من كتابتها لهذا الغرض بصراحه هي أفضل ادويه المغص و أكثرها فعاليه و افضلها هي قطرات بايوكايا و اوبتيباك 19. قطرات السيمثكون كلما تستخدميها اكثر كلما النتيجه افضل ابحثي عن قطرات تستخدم مع كل رضعه 20. اقري هذا البوست كلما ضجتي و اعرفي انها فتره و ستمر و راح تضحكين على نفسك و على مستوى الياس اللي وصلتيه بسبب غازات ستمر كل مودتي لكل الامهات و لامي

طرح قمه الروعه في والجمال
سلمت اناملك ويعطيك العافيه علي مجهودك
في أنتظار المزيد
من عطائك والمزيد من مواضيعك الرائعة والجميله
ودائما في إبداع مستمر

-













موضوع مميز وجميل
ابدعت وكثيرا لطرحك هذا الموضوع
يعطيك العافيه لتميزك
كنت هنا

جّلبْ انيَيق وَمميُز
وَعِطاءْ رآقيُ وَجميلْ ..
تسِلم ايُديكْ يــآربَ ..
ولاعَدمنا جمُآل إطِلالتك
تقِديُري ِ ،’

سلمت أناملكم على الطرح المميّز ويعطيكم العافية على المجهود المبذول ما ننحرم من فيض عطائكم وإبداعكم لكم تحياتي وفائق شكري ولكم كل الود .. وباقات رواند يسلموااااااااااااااااااااااا القيصر العاشق البـ مديح آل قطب ـــرنس

يَعطيك العَافية عَلى الأنتقَاء الرائِع
دامت صفَحاتك بهذا الرُقي وَ الجمَال
دُمت بكُل خَير
.