أنا الرئيس ( باحساس السيد الرئيس محمد حسني مبارك ) بقلمي الشاعر محمد البهلوان

أنا الرئيس ( باحساس السيد الرئيس محمد حسني مبارك )

أنا الرئيس
عشت بينكم
عشت ليكم
عشت ياما
بين ايدكم

كنت ضلة شجرة لما
الشمس نارها كانت في عينيكم

ايوه غلطت
يعني اسف
يعني بندم
يعني نادم

مين فينا
ما غلطتش مرة
مين فينا
ما ندمش مرة
علي غلطة عمره
قوللي مين فيكم

ايوه سلمت
البلاد
لشوية حرامية
ايوه ضعت
وتوهت
ونسيت
شعبي
ولادي
والاجيال اللي جية

اسف ولادي
اسف

بس ليا حق عليكم
لما ابوكم
يغلط فيكم

يبقي نهايته طرد في حياتكم
وتتبروا منه وتنزلوه لسابع أرض

وترفعوا له الجزم بايدكم

هوه ده تقديركم ليا
هو دي اخرتها معاكم

يعني لما همشي واسيبها
حال البلد هينصلح
اتمني ده
واتمني ليكم
كل حب وكل خير وكل حاجة حلوة
وادعولي
من كل قلبكم من عينكم
بحسن الختام

سلام


جميع الحقوق محفوظة
للكاتب
محمد معوض
الاثنين
14-2-2011


العمل ده عملته بعد ما الرئيس السابق محمد حسني مبارك اتنحي عن الحكم وكأنه كنت اتوقع ما سيحدث بعد فترة حكم الرئيس السابق محمد حسني مبارك
كل الاعتذار كل الاعتذار لسيادة الرئيس محمد حسني مبارك
الله يرحمك يا ابو علاء