لو روحي في ايدك بقلمي الشاعر محمد البهلوان

بعد صباح الخير
لو روحي في ايدك

مش هرجعلك تاني
والله لا يعيدك


مش خلاص ودعتني
وجرحت قلبي حبيبي

وفي ثواني خسرتني
خسرت حب حقيقي


اجمل سنين حياتك حُبك ذكرياتك

ماتت كل حكاياتك
ومبقشت من عبيدك


بعد صباح الخير لو روحي في ايدك

مش هرجعلك تاني والله لا يعيدك


مع وافر التحية
للي خان عشرتي

مش هرجع لك ضحية
ولا هتمشي في سكتي

ما انت اللي باعت عمر
عشناه زمان سوا

واخترت تدوس في قلب
كان لجرحك الدوا


ابعد خلاص وانساني
مش رجعه لك من تاني

انسى خلاص عنواني
وارجع يالا بيتك بيتك


بعد صباح الخير لو روحي في ايدك
مش هرجعلك تاني والله لا يعيدك

يحظر نقل او نسخ العمل دون الاشارة للمصدر وصاحب الكلمات