هيا ما بتحبش بقلمي الشاعر محمد البهلوان

هي ما بتحبش وقلبها ما رقش

وطول ليلي حيران ....................

وقمرها ما اهتمش

يا خسارة الايام يا خسارة علي الاحلام

ديما بقول في كلام

وهيا ما تحنش

من صغري وانا بهواها

من صغري وانا وياياها

نايم صاحي علي جمالها

بيزيد ولا يقلش

وعشان ما انا عشقان

في الحب يا ناس هيمان

تجرح في قلبي كمان

بحب ولا طولتش


يا خسارة الايام يا خسارة علي الاحلام

ديما بقول في كلام

وهيا ما تحنش

الحلوة ام خدود

بغمزتين ونار عود

مش شايفني موجود

ابكي قلبها يفرفش


اشوفها وهيا وبعيد

قلبي يرفرف ده سعيد

اقول في كلام واعيد

وعيني ليه تبربش


يا خسارة الايام يا خسارة علي الاحلام

ديما بقول في كلام

وهيا ما تحنش


سيد القلوب يا قلبي

ابعد بقي وارمي

اللي في يوم سهرني

ده سؤال ولا اتحلش

ولا انت حابب غاوي

اللي عليك كده ناوي

يا ابو القلوب الغناوي

مع دي ما بتلذش

يا خسارة الايام يا خسارة علي الاحلام

ديما بقول في كلام

وهيا ما تحنش

هي ما بتحبش وقلبها ما رقش

وطول ليلي حيران ....................

وقمرها ما اهتمش

بقلمي الشاعر محمد البهلوان

يحظر نقل او نسخ العمل دون الاشارة للمصدر وصاحب العمل