صدى القلوب ..!

؛


؛


تصدّ القلوب من الغلا والنفوس تملّ
ياهون الجفا لا شافت العين ما تكره

على رمح صوتك ماتو المشكله والحلّ
سراب الدروب أصدق من الحرف والنظره

أحبك طواري بس ماعاد احبك خلّ
ولا زلت احب العذر بشفاك وانتظره

على رمشك تسيل المحابر وينبت ظلّ
انا تحته المحتار واللي غريب أمره

تزل ايدي برقمك مثل ما اللسان يزلّ
مع اللي تحده كلمتينٍ على صدره

توريني ابواب المفارق وانا ما ادلّ
مثل من يورونه قبل موتته قبره

تغلى بكيفك لو تصير المحبه غلّ
لكن لا تساوم من يحبك على قدره

تراي الفقير اللي غناته بكلمة ذلّ
تساما وهو لو جاد فيها دفن فقره


؛


؛