سيدنا محمد صلى الله عليه وسلم رسول الانسانيـة ( 1 )

والنهاردة هنتكلم عن أعظم إنسان
بعد سيدنا النبي محمد ï·؛ والأنبياء ..
ياترى هو مين؟
أبو بكر الصديق رضي الله تعالى عنه وأرضاه ..
واللى بقى خليفة للمسلمين بعد وفاة النبيï·؛ .
تعالوا نشوف
ربنا عز وجل قال على سيدنا أبو بكر إيه في القرآن:
" ثاني اثنين "
يعنى النبي ï·؛ ومعاه أبو بكر ..
العلماء قالوا كلام جميل أوى قالوا
" أبو بكر هو ثاني اثنين في كل شئ"
ثاني اثنين في الإسلام:
أول رجل يسلم بعد السيدة خديجة
ثاني اثنين في الصحبة:
أول واحد النبي ï·؛ اتصاحب عليه ..
وثاني اثنين في الغار ..
ثاني اثنين في المجلس:
النبي ï·؛كان يقعد وأبو بكر يقعد على يمينه .
ثاني اثنين في القبر كمان ..
أصل سيدنا أبو بكر هو أول شخص
أندفن جنب النبى ï·؛ ..
رضي الله عن سيدنا أبو بكر وأرضاه ..
النبي ï·؛ كان بيقول ايه عن سيدنا أبى بكر ؟
إن من أمَنّ الناس عليّ
في صحبته وماله " أبي بكر" ..
يعنى النبي ï·؛ بيقول أن أكتر
إنسان له فضل عليا أبو بكر ..
تخيلوا .. أبو بكر له فضل على النبي ï·؛ !
ويقول النبى ï·؛ :
" إن الله تعالى أتخذنى خليلا
كما أتخذ إبراهيم خليلا ..
ولو كنت متخذا من البشر خليلا لأتخذت أبا بكر "
شايفين .. سيدنا محمد ï·؛ كمان
كان خليل الله زى سيدنا إبراهيم ..
ومرتبة الخلة دى أعلى من مرتبة المحبة ..
الخلة هي أن يتخلل الحب القلب ..
فهذه المنزلة لا تجوز
في قلب النبي ï·؛ إلا لرب العالمين ..
فعشان كده النبي ï·؛ قال
أنى مقدرش أتخذ خليل من البشر ..
لأن ربنا هو خليلى لكن لو كنت هختار
خليل من البشر كنت هختار أبو بكر الصديق ..
كان في حاجة عجيبة أوى بتحصل
مع النبى ï·؛ وسيدنا أبو بكر
هى أن كان أبو بكر والنبي ï·؛
يقولوا نفس الحاجة
و مايكونوش متفقين عليها،
فاكرين في السيرة النبوية
لما حكينا عن صلح الحديبية،
فاكرين سيدنا عمر لما زعل
وقال يا رسول الله ألست رسول الله؟!
أليسوا المشركين؟!
ألسنا المسلمين؟!
كيف نعطي الدنيّة في ديننا؟!
( ليه نوافق على شروط قريش الظالمة
دى ونوافق على الصلح..
وسيدنا عمر كان زعلان أوى )
فالنبي ï·؛ قال له:
يا عمر أنا رسول الله ولن يضيعني
( أنا عارف أنا بعمل إيه )
فقام عمر قايل: ألم تقل أننا سنعتمر يا رسول الله؟
( سيدنا عمر تعبان أوى نفسيا من كتر الزعل )
قام النبي ï·؛ قال له :
يا عمر .. أقلت لك هذا العام؟
فعمر قال : لا .. لم تقل هذا العام ..
( وفعلا المسلمين هيعتمروا
زى ما النبى ï·؛ قال ولكن مش السنة دى)
فعمر لسه زعلان فقام رايح لأبو بكر وسأله ..
فراح سيدنا أبو بكر قايل له :
يا ابن الخطاب!
هو رسول الله والله لن يضيعه،
و لم يقل سنعتمر هذا العام ..
شايفين أبو بكر قال نفس كلام النبى ï·؛ بالظبط!!
طب ازاى يحصل كده؟!
ده بيحصل بسبب شدة الحب بينهم
ما هو أبو بكر ده اللي قال
" شرب النبي حتى رضيت" ..
يعنى النبي ï·؛ شرب لحد ما ارتحت وشبعت،
يعنى النبي ï·؛
لما ياكل بحس كأنى أكلت بالظبط ..
شايفين أد أيه العلاقة بينهم جميله !!
وأد إيه الإسلام ده مليان حب،
الإسلام لا دين قتل ولا دين عنف ولا دين تكفير ..
بالعكس ده دين كله قائم على الحب ..
الإسلام والرسالة ابتدت بجبريل
وهو بيحتضن النبي ï·؛ بشدة ويقول له:
أقرأ باسم ربك الذى خلق ..
وأنتهت الرسالة بوفاة النبى ï·؛
وعائشة تحتضن النبى ï·؛ " ..
ديننا كله قائم على الإحتواء والحب ..
وقائم على تقدير الحب لدرجة أن النبي ï·؛ قال:
" المرء مع من أحب"..
يعنى مهما كانت درجة اللى بتحبه
أعلى منك فى الجنة فأنت هتتحشر
معاه يوم القيامه
لو كنت بتحبه من كل قلبك بجد"
فاصل ونتواصل إن شاء الله
لكم خالص تحياتى وتقديرى
الدكتــور علــى حســن