بنت بلدي

بنت بلدي

بنت بلدي وغالية عندي
من جمالها آه يا وعدي
سِنة لولي وشفة وردي
برتقانة ويوستفندي
سمنة بلدي مش هولندي

هيه فرحي وكل سعدي
زيي مين ده ما حد أدي
في الجمال دي خيال معدي
في الدلال بتجيب تودي
عود غزال وعيون تحدي

شعره سال على ضهره يجري
أحلى خال على خده يضوي
قلبي مال فاض بيا وجدي
ليلي طال وتاعبني سهدي
شئ محال أنساها عمري

حاسة بيا وعارفة طبعي
لمسة منها تشيل ف وجعي
لو ف جوعي بتبقى شبعي
لو عطشت تكونلي نبعي
لو تنادي تقول يا سبعي
غيرها والله يا ناس مابدي