قصيدة صواديف - بندر بن سرور

الله من عين طرقها صواديف
عميت ويبسن بالعروق الصخافي

شفت الوزا بالعين من عرض ماشيف
شفته وغيري من فطن له وشافي

وقت تغير فيه حتى العواصيف
جا في عواصيف الرياح أختلافي

شره قناطير وخيره مقاطيف
يفطن له اللي يرضع الديد غافي

كم واحد جاله زمانه على الكيف
واغترته نفسه يبا الجود وافي

يطلع مطاليع العلا بالسواليف
بين العذارى عد روحه سنافي

يفرح بهرج بالقفى يكره الضيف
قتات والقتات بالنار هافي

يعلق قصيره علقة النار بالليف
عي ولد عي زنوده ضعافي

ان رخصت الحذوه توفي عن الحيف
وان غليت الحذوه مشى اللاش حافي

يرقد ويلحق والدينه تخاليف
دايم ومرقد ميت النار دافي

هو مادرى ان الجود يبغى تكاليف
سهر الليالي مقبلات مقافي

يبغى يدين للعطايا مغاريف
ويبغى رجول ماتمل الوقافي

والصبر بنحور السنين الشواحيف
اللي قساها مثل حد الرهافي

مايقدرون الجود سود الأطاريف
مشاركة بيض النسا باللحافي

يقدر عليه اللي حكم نجد بالسيف
واودع مباغيض القبايل ولافي

عبد العزيز اللي يبث المصاريف
يجدع قناطير الذهب بالفيافي

يمشي على دربه جموع مراديف
نو تحدر ماه والجو صافي

يشدي لواقيط الزبيدي بعد ريف
ومما كسى البيدا تفيد الضعافي

*،
دوحة ثرية ومميزة
راقني مآ قدمت هنآ
وأنتظر المزيد من روائعك
قبآئل الجوري بين يديك

*,

طرح بقمة الذوووق والرووعه
تسلم أيدك ع الطرح المميز لاعدمنـآك
بانتظارجديدك بكل شوق

ابيات رائعه
صح لسان شاعرها ويد ناقلها
احسنتي الاختيار والطرح
يعطيك العافيه
دمتي بسعاده

وَعَطرًا َيَضُوع مابينَ أنَـــاملكم بِـ فِتنَة ... بِكم تَكـــاملَ رونق رواية عشق وتمَيِّزْ.. لِ متصفحكم الرائع يَنْثنيِ جَسَدِ الجمآل شُكرًا مُثَــناةٍ بلا تَوَقف ..

شُكرآ لِمروركُم يَ رفَآق
لكلمآتكُم وقعُ المَطر على آرآضٍ مُجدبة ")
آحييتُم دآخلِي بصدقْ
دُمتم لِي شمسآ لآ تغيبُ آبدآ