مرحـوم يآحـب بـ قـلبي طويتـهـ ..

مرحوم ياحـب بقلبـي طويتـه

.............حب سقط سوره وطاحت زوايـاه


قصر الغرام اللي بدمعـي بنيتـه

.............أبدعت تصميمه وضحيت لابنـاه


ولقيت فيه من التعـب مالقيتـه

.............سنه وعزمي ماتوانـت مطايـاه


وانهيت بنيانـه عقـب مابديتـه

.............فرحان واثري واحدن من ضحاياه


اليوم لاسقت الخطـاوي وجيتـه

.............يضيق صدري حزن لين اتعـداه


تحفـه بديكـوراتـه وقرنيـتـه

.............ياللي سعيت بطيحتـه منـك لله


قلب شرا حبـك ورا ماشريتـه

.............وانت اول انسان فتح لك حنايـاه


ماكنك اللي في غرامـك بليتـه

.............ووضحت له درب الفرح والمعاناه


وبعد تعلق بـك بصـدك جزيتـه

.............وختمت عام من السعاده بمأساه


الله يسمح لـك طريـق مشيتـه

.............اللي يبي فرقاي مابكـي لفرقـاه


قلبي علي تبـع المقفـي نهيتـه

.............يعني علي النسيان محدن تحـداه


أنساه وانسي كل حيـه وميتـه
.............ويرزقني الله واحدن كنـه ايـاه