الفرق واضح بيننا في كل الاوضاع ~|

.

. .

لو السما ياصاحبي تشبه القااع يمدي الوفا ف الحب مثل الخداعي ولو العمر ياصاحبي معك ماضاع ماجيتك انشد لك .. قصيدة وداعي حبيت اوضح لك ومن باب الاقناع؟! مادام نبضك حي / والفكر واعي اني معك واصل ليا حد الاشباع من ضيم قهر/ وفقد صبر/ وضياعي حاولت اغيّر فيك اسناع واطباع وتقطعت كل ... السُبل والمساعي علمتك ان/ القلب للحب مرباع وعلمتني وشلون / يُشرى ويباعي وعلمتك انّي/ في محبتك طمّاع وعلمتي وشلون / اجمع متاعي أبحرت في حبك ولا ارخيت الاسماع ولاكنت اظن فيوم .. تطوي شراعي غرّك خفوق(ن) في محبتك مطواع وغرّك وفاي ولهفتي واندفاعي الفرق واضح بيننا فكل الاوضاع وكثر الحكي ياهيه مامنه داعي مديت يدّي لجل اشيلك من القاع ومدّيت يدّك لجل/ تلوي ذراعي . . .