نص المتزوجين مستحملين بعض

نص المتجوزين مستحملين بعض بس عشان الولاد يعنى اتنين عايشين تحت سقف واحد كل واحد فاهم انه عامل جميله على التاني وكاتم في قلبه وشايل ، طب ودى تبقى حياة معني كده ان كل واحد قبل الجواز كان بيشوف حاجات مش عجباه بس طنش وقال ان الجواز هيغيرها ده طبعا بمساعدة الناس الجميلة اللى كانت بتقول نفس الجملة اصبر اصبرى هيتغير بعد الجواز هى هى نفس الناس اللى لما تيجي تشكليهم من الجواز تقول الرجالة كلها كده الستات كلها كده الجواز اصلا كده ملوحظة: محدش بيتغير بعد الجواز؟ ولو حصل هيكون تغيرللاسوأ "عصير لب" يعني مينفعش اختيارك لشخص هتعيش معاه باقى حياتك يكون ناقصه احساسك بالراحه الكاملة هتفضل المسؤولية ملهاش اب شرعى تنتسب ليه عشان كل واحد هيشوف ان التاني مش قادر يحس بيه وسايبه يقدف لوحده. الملل بتاع الجواز اصعب ملل ممكن تعيشه في حياتك بسبب فكرة ان كل طرف حس انه جاب اخر التاني وشاف منه حاجات مستحيل كان يشوفها لو مكنش حصل جواز, عشان كده لازم تختاروا الناس اللى هتكملوا معاهم حياتكم بعناية شديدة وتتكلموا معاهم في الوحش قبل الحلو ، الجواز الاصل فيه انه يعمل استقرار وهدوء وسلام نفسي لطرفين اللى بيها يقدروا يطوروا من نفسهم ويكونوا احسن من احسن وقت كانوا فيه قبل الجواز ، عشان فيه حب والحب بيخلق افكار تقضى على اى ملل لان اللى بيحبه بيكون كل همه ، ويبقى هدفه ازاى يرضى اللى بيحبه جمعية كل واحد بياخدها دور. ومن شروط الجميعة هي حسن سير وسلوك واخلاص النيه بين اطرفها ربنا سبحانه وتعالى لما وصف الجواز قال "وَجَعَلَ بَيْنَكُمْ مَوَدَّةً وَرَحْمَةً إِنَّ فِي ذَلِكَ لَآَيَاتٍ لِقَوْمٍ يَتَفَكَّرُونَ" لو هتتجوزوا عشان كلام الناس متجوزوش لو خوف ان القطر يعدي خليه يعدي بدل حياتك ما تتحول لحالة ندم على شبابك وعمرك اللى ضاع ده غير احلامك وامانيك ان الزمن يرجع بيك لورا عشان متكررش الغلطة دى. لو هتتجوزوا من غير ما تكونوا بتكملوا بعض متجوزوش اطفالكم لازم يكونوا نتاج علاقة حب عشان يطلعوا من غير عقد واخيرا انت بتجوز عشان تخش دنيا يبقى لازم تكون احلى دنيا ولو مش حاسس ده خليك في دنيتك لحد ربنا ما يكرمك ويبعتلك اللى يقدرك تحياتى اليكم خ ـالد الشاعر