مدري وش اللي حدني لين مريت

مدري وش اللي حدني لين مريت

مدري وش اللي حدني لين مريت
ذاك المكان اللي يجدد جروحي


كنت أتجنب دايم امر ذا البيت
واليوم مريته وسجلت بوحي


يابيت خبر ساكنك كيف عانيت

ثم خبره عني بصدق وضوحي


قله تراني مانسيت وتناسيت
وقله مكانه في عيوني وروحي


قله مع غيره ترأ ماتهقويت
على العهد باقي لطاريه انوحي


لدلال غيره ماعشقت وتقهويت
وتحرم علي لو هي تصب وتفوحي


ولغير حبه ماذكرت وتعزويت
أذكر سنينه يوم هو لي نصوحي


وياطير ياللي فالخضيراء تعليت
خذ مني رساله قبل ماتروحي


أنت الرسول الي على السر وصيت
أحفظ وصاتي جد ماهي مزوحي


وأن كان من خلي بالاخبار ماجيت
يلحقك مني لوم أن كان توحي


وش فايدة ياليت ياليت ياليت
ما من كلمة ليت غير الجروحي