هــو الوحيــد اللــي عــلى مــا تمــنيت

عندي أمل مهما ولهت وتباطيت
إن قلبي اقرب له من اقرب ظلاله
.
عشرة وفا .. ما بار فيني ولا ريت
منه سوى رقه وعطف ونباله
.
غايب وخلى بالحشا ديرة و بيت
هذي فناجيله .. وهذي دلاله
.
كن فقد صوته كل ما اصبحت وامسيت
شايب وفاقد شوفة اغلى عياله
.
لا يحسبني كل ما غاب .. سجيت
ما دام قلبي يوم حبه وفا له
.
مهما فعل .. مهما حصل .. ما تخليت
عنه ولا عن حب رجوى وصاله
.
خفت اني مخطي في حقوقه وزليت
وفليت كل ارشيف عمري قباله
.
اشوف وش سوى وانا ويش سويت
هذاك هو قفى بقلبي وشاله
.
ما طاعني عن العرب يوم صديت
يحرجني اللي ما يخبي سؤاله
.
احد : يقول اني من الحب مليت
واحد : يقول اني من الحب داله
.
وانا من الدنيا واهلها تغانيت
باللي سكن في وسط جوفي لحاله
.
حفظت سره في ضلوعي ولا افضيت
ما للبشر عازه بقلبي وحاله
.
يمر بالي بالثواني ويا ليت
ادري .. انا كم مره امر باله
.
ما ظتني ينسى الغلا والتناهيت
ولقاه وعيوني تناظر جماله
.
ولا قلت شعري له تعديت كم بيت
وغدا كذا يضحك علي بالعماله
.
لا يلومني لا قمت اسج .. وتخطريت
وسبهت ف عيونه و حبات خاله
.
لو ما هو بغير العرب ما تجريت
لكنه بكل الوصايف لحاله
.
هو الوحيد اللي على ما تمنيت
ما جاز لي غيره ولا ابغي بداله
.
اي والله اني ( مشتحن له ) وعانيت
خلوه يعذبني .. تراني حلاله
.
الظاهر اني قبل اعرفه ما حبيت
عنده حكي .. ما فيه مخلوق قاله
.
حبه جنون وكل ما اشتاق لي جيت
اقطع دروب الشوق .. فدوة دلاله
.
اليا دعاني من صميمه ولبيت
ضم العروق وقال لي : كلها له
.
لمواصله في كل حزه مواقيت
وما عاد جات بنفس وقته رساله
.
بعده يعومسني وانا ما تناسيت
عندي امل اني باشوف اتصاله

دام التألق ... ودام عطاء نبضك
كل الشكر لهذا الإبداع,والتميز
وبآنتظار روائع جديدك بكل شوق...!
ودي وعبق وردي

اقتباس:

المشاركة الأصلية كتبت بواسطة شيخة الزين

دام التألق ... ودام عطاء نبضك
كل الشكر لهذا الإبداع,والتميز
وبآنتظار روائع جديدك بكل شوق...!
ودي وعبق وردي

حضور رائع منكك
يسلم لي ردك الذي

أسعدني جداا
على راسي طلتكك
منورتني

سلمت أناملك
وسلم ذوقكـ على حسن الانتـــــــقاااء
بـ إنتظآر جديدك وعذب أطرٌوحآتك
تحيتي وتقديري

اقتباس:

المشاركة الأصلية كتبت بواسطة اميرة الورد

سلمت أناملك
وسلم ذوقكـ على حسن الانتـــــــقاااء
بـ إنتظآر جديدك وعذب أطرٌوحآتك
تحيتي وتقديري

حضور رائع منكك
يسلم لي ردك الذي

أسعدني جداا
على راسي طلتكك
منورتني

هو الوحيد اللي على ما تمنيت
ما جاز لي غيره ولا ابغي بداله

............................................

صح اللسان شاعرها / ولا هانت ناقلتها
القصيده جميله معنى ومضمون ..
أعجبني هذا البيت من القصيد
وفي معرفتي السحية انه لب القصيده
تقيمي واعجابي ونجومي