ياحبني لك..وانت غالي ودلوع

ياحبني لك..وانت غالي ودلوع


يا حبّني لك .. وأنت غالي ودلوّع
كبّ التغلّـي .. والدّلـع لا تكبّـه


منك الدلع مسموح ماهوب ممنوع
يلوق لك .. وتلوق معـك المحبّـه


الله عطاك أنفاس وأحساس وطبوع
و فيك الحلا سبحان ربّـي وربّـه


تفرق عن الحلوين بالشّكل والنوع
لو فيك ربّـات المفاتـن تشبّـه !


تقول ينبت لي مع ضلوعي ضلوع
لا شفت زولـك والهبايـب تهبّـه


لعيونك النعاّس ميّت مـن الجـوع
متى تحسّ ومن يحبّـك .. تحبّـه


زوّدتها حبّه .. مثل حبّـة الكـوع
وعليك شوقي زاد تسعيـن حبّـه


وأصبحت أنا وياك طامع ومطموع
لبّ الندا .. يا جرح قلبـي وطبّـه


أقابلك ساعه من سبـوع لسبـوع
موقّتـه وضروفـنـا مستتـبّـه


على بدايتها .. شذى ورد وشموع
وعلى نهايتها .. يـدقّ المنبّـه !

ممااستوقفني

تسلم آيــــــاديــك
موضوع جميل وإختيــارك أجمل
كل الشكر لك على

طرحك ومجهودك
تحيــــاتي لك

-



يعافيك ربي على زاويتك الراقية
وشُكراً لطرحك المُميز وإختيارك الرائِع
عبق الجوري لِـ روحك .

نور
اشكرك جدا على كلماتك بحقي احرفي
كان حضورك مسك ينثر اجمل اريج هنا
دمت بكل خير وسعادة

معزوفته
اشكرك جدا على كلماتك بحقي احرفي
كان حضورك مسك ينثر اجمل اريج هنا
دمت بكل خير وسعادة

يعطيك العافيه على جمال طرحك ..
ننتظر جديدك القادم ...
ودي وباقات وردي ...