ثلاثين عام

لشاعر فهد الصعيري
----
الكلمات
-----
عايش ثلاثين عام واحسب انها قليل
اثر البنادم حياته مثل جمرة غضا..
داخل على الله ما غيره منجي دخيل
لا اموت فجأه وادخل في جهنم لضا..

كل الاوادم بتبكي بعض يوم الرحيل
الا البنادم بعمره عكس عن ما انمضا..
كل ما كبر عام يفرح !! مادرا انه خبيل
مفروض يبكي على عام ن بعمره قضا..
عشت الثلاثين عام تقول حطاب ليل
من دون بدرٍ يشع ودون برقٍ نضا..
كم كنت اوقف لخلق الله براس الطويل

واحسب اني لهم !! اخر حدود الفضا..
واثر البشر تعتبرني مثل ماي السبيل
كل من شرب منه راح ألين جوفي فضى..
يمكن انا اخر رجل ( أ) من الزمان الجميل
نبذه من الماضي اللي هو واهله انقضى..
اعيش في جيل متوارث خطا كم جيل
مايعاني الا الفراغ اللي عليه اقتضى..
يسخط على اللي يعاملهم بخلقٍ نبيل
ويرضا على اللي ينافقهم تمام الرضا..
يهوى الفؤاد المهشّم بالكلام الرذيل
ويقلد ادوار عبد حسين عبد الرضا..
اسف على نفسي اللي لو تحط وتشيل
في هالزمن !! ماحضت باللي اقله حضا..
ياللي انا ( كنت ) احبك حيل قصرت حيل
واللحين تشرهه علي من بعد حكم القضى..
مهما تحن القلوب لما مضا مستحيل
نرجع اللي مضا او يرجع اللي مضا..
فكر بمستقبلك الدمع مهما يسيل !!
مايرجع اللي انقضا اللي انقضى انقضى ..

ثلاثين عام

انتقاء راقى رائ
يليق بكى
شكراااا حبيبتى

شكرا لكم

اختكم سراج

منورين

لاهنتوا

لكم من الابداع رونقه
ومن الاختيار جماله
دام لنا عطائكم المميز والجميل