بقعة الإنـعاش ~

دقيت بابك يا وطن .. مفتوح ؟
...................... خلّي حريمك يغَطِّن بفتح عيوني
أعمش ولكن بالعيون جموح
........................... أخرس ولكن ينطق جنوني
صمتي قديم وسارقك مفضوح
....................... يستره صمتي وتفضحه ديوني
فقير وأكثر من الفقر مسفوح
............................. دمي ولاهي تستر ردوني
كم غص حزني بالدمع والنوح
........................ كم غض طرفي من يسرقوني
كم هد فقري للخيال صروح
........................... كم قُـدّ ثوبي من دُبر دوني
كم راودنـّي هالنفس والروح
............................ ما هَمّ بك قلبي ولا ظنوني
خيّط جروحك يا وطن مجروح
.......................... لا تقول ربعي من ينهبوني
ريح الغدر من نفسهم بتفوح
...................... قال العطر " فيهم " تعذروني !
وانته الوطن يا هالوطن مذبوح
.......................... وش له تداري من يذلوني ؟
تناهبوا رزقي وانا المطروح
.................... في بقعة "الـ" إنـ/ ـعاش خلوني
وش همهم دام الصدر مشروح
......................... لو ضيّقوا صدر الـ/ جابوني
ودي ألحن عُهرهم وآبوح
............................. ودي أغني به يسمعوني
( وإن كان صوتك يا وطن مبحوح )*
...................... ما بي وطن أضيق من لحوني
,