انتظر ملكاك

گالتلي احبك وانتظر !!! ملگاك ...
گلت ياحب ولچ خليني بـــحزاني ...
گالت لا تكابر انتَ بيه تموت ...
گلتلهة خطأ يمكن شخص ثاني ...
گالت لا اعرفك صارلي سنين ...
... شلون ؟ انطاك گلبك هسة تنساني ...
تحب وحدة بعيدة وما ترد اردود ...
متگلي حضرتك بعد شمتاني ...
سألتني بحزن (بعدك تحبهة هواي) ؟ ...
گلتلهة نعم چا غير تهواني ...
سكتت ماحچت واختنگ بيهة الصوت ...
بس اسمع دمعهة و احس چواني ...
گلتلهة آني آسف والله ما مجبور ...
أخون الي تحبني وغفت بـــحضاني ...
صح صارت بعيدة وماتردلي بيوم ...
لكن ما تفكر لحظة تنساني ...
روحي وداعت الله وانسي هــالموضوع ...
وشوفيلچ شخص يهواچ مو آني.....