((عشنا علاقة حب ما مثلها فات))
خلي وخلخاله وخاله ....... وشامات
موزعة ما بين خده ........... وساقه
وخلخاله اللي طوق الساق بالذات
زاده جمال فوق زود ...... الرشاقة
يا ويل قلبي يوم شفت . العلامات
من فوق نهد يعجبك في .. مذاقه
مدور مكور تقل ................ بيضات
بيض الحمام اللي بعش .. الحذاقة
غرنوقتي تذبح وبعيون ...... خدرات
كن النعاس بعينها ........ يا رفاقة
ياما حباني بالخدود ....... الجميلات
وياما عطاني فوق حقي ... إلحاقة
وياما هرج لي بالعلوم ... العذيات
وياما ودعني بالغلا ........ واللباقة
لولا الحياء لاقول داره .. وهيهات
والله مايدري العدو في .... نطاقه
عشنا علاقة حب ما مثلها ..... فات
ولا ظنتي ياتي شبيه ...... العلاقة
القارظ العنزي
|
08-07-2020
عضويتي 
العرض الشجري
