كـافي اللي فيني

يا بحـر جيت اشتكيك عن اللي بالقلب من ذا زمان يمر عام ويخلفه عام والهموم مثل ماهي تتراكم .. لكن عندي لك سؤال تكفى لا تردهـ هو أنـت تغدر مثل البـشر ؟ إن كنت بالغدر تملك ولو شيء بسيط علمني وشلون اشتكيك من شيء هو من الأصل فيك ... ! وشلون تفهمني وتفهم شعوري القلب مزحوم وما عاد به مجال ولو للقليل هذا يغدر وذاك بـ سّم الكلام يمطرك ما يحسبوا لشعورك حساب عندهم أنت و الصخر واحد ما يميزك إلا حواسك الخمس يعني عادي تنجرح ولو قلبك يشتكي وينزف ما راعوك ولا حتى فكروا إنهم يداروك ..!! شيء واحد يا بحر منك ارتجيه تكون عنهم مختلـــف ودروب الغدر تجــهلها .. لإن الحال ضايق من زود الكبوت اكبت شعور واكتم إحساس تكفى يا بحر هذا هو "قلبي" بين يديك افعل به ما تشاء إلا الجروح لا تزيده كــــــافي اللي فـــيني