يابعد روح القصيد ويابعدهم لاتخاف

_ يابعد روح القصيد ويابعدهم لاتخاف مايفك الراس والله غير منهو ركـّ به ..!! ماخبرت الحب سر وحبنا ماهو ،اكتشاف هي حلاة العشق أصلاً لاغدى ينشكّ به انت لي بحر القصيد اللي قطعته باحتراف يوم غيري جا يغوص وضاع فيه وعكّ به دامني في وسط قلبك ماعلى قلبك خلاف لا تخاف وهاك قلبي يابعدهم تكّ به اعتكف في وسط قلبي عن حسَدهم اعتكاف واحرسه عن كل همٍ قبل اعرفك دكـّ به من ورى حدب المحاني لاتشوف ولا تشاف لاحدٍ يحتك فيك ولا حدٍ تحتكّ به يابعد روح القصيد ويابعدهم لاتخاف مايشيل الراس والله غير منهو ركـبه ..~