دخلت النت مدري من الوله ولا على شانك

دخلت النت مدري من الوله ولا على شانك
دخلته والمشـاعر كلها توصفلك احــزاني


دخلته يا بعد عمري دخلته ايه لعيانك
دخلته شاعرٍ ضايع وجاء من غربته عاني

دخلته والمشاعر صادقه والقلب ما خانك
دخـلته ايه ارفض كـل من جاني يتحداني

دخلت احيا مع طـاري نواويرك ووجـدانـك
دخلت اقرأ كتاباتك وابي تسمع وش اضماني


انا ضامـي من جروحي وابي من فرحة ازمانك
عطيت الناس من طيبي ياليت ايدي قصرت شاني


عطيت ولا خذيت الا الحزن خذني على احضانك
وانا عارف خفوقي لا عشق صعبة اذا اعماني

ابي تاخذ بقايا فرحتي ترقص على الحانك
وابي تاخذ طشاش العمر وترسم باقي الحاني

وابي غيمك يغطيني وابي شمس وجفن زانك
وابي كفٍ يدفيني وشوق وشخص ينهاني


وابي قلبي انا بيدك تصونه هو بعد صانك
وابي تنسى البشر كله وابي انسى من جاني


مدام اني دخلت النت وشفت النت سجانك
عشقت النت لعيونك من اقصى النت لداني


اشوف النت بستانٍ جميل يعبر الــــــوانــك
غدير انته يعكس الورد يجذب كل الالواني


اغار من الجهاز اللي عكس في شاشته اجفانك
واغار من الحروف اللي لمسها كف ناداني


واغار من المطر يوم يهـــطل ويبل فستانـــــك
واغار ولا تلوم اللي يحب ولا درى الثاني


غريب وديرتي عيونك ابي اوصل يم اوطانك
ابيك اتشيلني وسط الخفوق ولا تناساني



انا اللي جيت واعلنت الغلى لك وينه اعلانك
اجي اخذ اجي اعطي ولا غير انت بعياني


انا الصاحب انا الغالي انا اللي بيوم ما هانك
اناللي كلمته صمته عتاب وصمتي الهاني


انا اللي عاند جروحه يخاف بيوم حرمانك
انا اللي جفت اقلامه وطوى اوراقه وغدى فاني


انا معاند انا الاحساس انا الواقع انا اركانك
انا اللي بغيبتك لا جابو اسمك مت واحياني

قصيده وقالها شاعر نوى يفرح بها احزانك
نوى يشعل بها شمعة تنور كل الاوطاني

مُزْنٌ يَهْطُل وشَلآلٌ يَتَدَفَقْ
بَطِرُوحَآتِكْ الْرَآئِعَةْ الْجَمِيلَةَ
بِإخْتِيَآرْ يَفُوقْ الْوَصْفْ والْتَعْبِيِرْ
فَإلَى الأَمَآمْ بِإنْتِظآرِ جَدِيِدِكْ بِشَوقْ
وفَقِكْ الْلَه تَعَآلَى

كل الشكر لك على تواجدك الجميل وردك الرائع

سطور نالت الإعجاب برقي هذا الطرح
وهذا سَّــر إبداعك وذائقتك المُتميزه

,,~
رووووووعه
طَآب ليٍ آلمَكوثْ حقآ هَنَآ
رآآآقٌ ليِ مآسطرتَـه هذه آلحَروفٌ
سَلَمِتْ أٌنآملِـگ عَلَى الـآنتقآء آلمميٍـز
لـآحُرمنًآ آلمولى هًذآ الهطًول آلجمَيـٍل
لروَحِـگ گـلً آلـوَد و
محًبتيٍ وآحتَرآميٍ
,,~

كل الشكر لك على تواجدك الجميل وردك الرائع