لاداعى فى الافراط ف العطاء ... بفلمى

لما تعمل لحد كوباية شاي لضيف عندك
وتسأله كام معلقة سكر فيقولك نص معلقة
تقوم أنت من كرمك بقي
تحطله معلقة كاملة أو اتنين بحسن نية
وعشان نفسك تدوقه حلاوة السكر
وبعدين تتفاجئ انه لما داقه معجبوش!
وغالباً كمان ممكن ميكملوش!
بالظبط نفس المبدأ ف معاملتك مع الناس
متفرطش ف العطاء والزوق قدام حد مش مدرك قيمتهم
او ماطلبهمش،او مش هيفهم اللي هتقدمه دا
لانه للاسف ساعتها بيتفهم بالعكس وبيلغي حقوقك!
عامل كل واحد علي قد ادراكه وفهمه للحب
اديله اللي يفهمه و يستطعمه و بس
من غير اي زيادة!
لا هو طلب زيادة ولا انت هتلاقي منه التقدير
مقابل كرمك دا بل هتلاقي العكس!
تحياتى للسادة المارين
خ ـالد الشاعر