اللى منى مزعلنى..وساب البيت وخرج

	اتخانق معاها زعق زعقت عيطت زهق وساب البيت وخرج وهو بره قعد يكلم نفسه انا بعمل علشانها كذا وكذا وهيا ولا هنا دماغها بس ف حاجات تافهة ومش فالحه إلا ف انها تقلب البيت عكننه ونكد ووهي قاعدة لوحدها كلمت أمها وصاحبتها وجارتها وخالتها و أختها و عمتها وسوسو في الإسكندرية و ميمي ف طنطا وواحدة تتطبب وواحدة تسخن أصله ما يستاهلكيش هو إنت غلطانه إنك بتعامليه بالحسنى دا بيسيبك طول النهار هو انتي الجاريه اللي جابهالوا أهله!! هدي شوية ورجع البيت دخل اوضته علشان مش عايز يفتح الكلام وهو لسه متنرفز علشان ما يتطورش وما يتهورش إنت داخل كده بابيه ولا كأنك عملت حاجة إنت مش حاسس بيا تعالى شوف الناس بتعامل مراتتها إزاي بقا دي عيشة دي عاااااااااا طبعاً لااااااا رد باللي فيه النصيب وبقت ليلة كوبيا واكيد بعد ثواني الوضع هيبقى أسوء ............... مشهد متكرر في كتير من البيوت بالذات سنه أولى جواز نصيحة محبة لصحابي البطاريق حديثي الزواج _ السلامة في التغافل _ وقت ما يحصل زعل أو خناقة بسيطه ونقعد نتناقش أهم حاجة نحدد هو إحنا قاعدين نحل المشكلة ولا قاعدين في الشوط التاني للخناقة لو الشوط التاني هتلاقى كل طرف كل همه إنه يبين للتاني إنك إنت الغلطان وإنك جرحتني واللي مني مزعلني اما لو قعدتنا علشان نحل هتلاقى الكلام غير كده هتلاقى كل طرف بيعتذر للتاني حتى لو مش غلطان هتلاقى كل طرف قبل ما يتكلم شغل باله بالميزات اللي في نصه التاني وافتكر الحاجات الحلوة اللي التاني قدمهالوا صاف يالبن حليب يا قشطة تاني حاجة : بلاش الجو بتاع مراسلين الأخبار طول ما المشكلة بينكو انتو الاتنين هتبقا سهل أوي إنها تحل ... إنما لو دخل فيها حد غيركو محدش هيندم غيركو بعد كده .. السلامه فى التغافل فوووتكووو بعافيه يا حلوات

[/QUOTE]